Charra a cargu de Inaciu Galán nel marcu del Circuito "Astuires, Cultura en Rede" / Cultura Tradicional.

Darase respuestes a les interrogantes que s’abren na sociedá énte’l procesu de recuperación y oficialización de la toponimia tradicional, esplicando’l procesu que llevó a la deturpación de los nomes, cómo se lleva alantre la investigación que los recupera, el procesu d’oficialización y por qué ha ser importante pa la sociedá restituyir estos nomes de los pueblos y llugares d’Asturies y en concretu nel casu del Conceyu Colunga.

Inaciu Galán (Xixón, 1986) Doctor pola Universidá d’Uviéu cola tesis “La llingua asturiana nel Franquismu”, Máster en Sociedá de la Información y el Conocimientu na UOC, Grau en Periodismu pola UDIMA, Especialista n'asturianu nel Máster de Profesoráu, Diplomáu en Turismu y Especialista en Xestión Cultural pola Universidá d’Uviéu. Trabayó en medios como la Cadena Ser, Onda Peñes, Asturnews... Dende 2007 presenta programes na TPA, como Xente de casa y el recién Mundu Sidreru en TPA. De 2012 a 2019 foi presidente de la ONG Iniciativa pol Asturianu, lo que compaxinó cola dirección de la revista lliteraria Formientu, el trabayu como profesor en dellos cursos, xestor cultural, amás d'otres xeres profesionales, culturales y reivindicatives. Dende 2016 exerce como profesor de llingua asturiana y lliteratura n'institutos. En 2017 punxo en marcha Cuatro Gotes Producciones, onde dirixe proyectos como la plataforma de youtubers n’asturianu PlayPresta.