Panderos y panderetes, carraques y matraques, castañueles y pitos, tarrañueles, tambores y bombu, esquiles, botella, morteru, cuyares y cazos, llata, bandurria, zanfona, guitarra, vigulín, bouzouki, curdión, bígares, cuernos y turulles, xiblates, gaites… una bayura d’instrumentos apaecen pela escena, en cuantes el músicu David Varela se pon a restolar na so maleta.

Partiendo del fonderu conocimientu de les sonoridaes populares y los sos instrumentos, esti vieyu perconocíu nos escenarios del País, con casi cuatro décades de profesión y avezáu nel tarrén pedagóxicu cola reciella, fae que too suene.

Cuentos, cantares y poemes xunto a melodíes populares d’usu y llabor na tradición asturiana, son la base pa construyir un repertoriu músico-vocal, modernu y empobináu sobremanera pal públicu infantil.Cantares-xuegu, estribillos revolvinos y sones llambiones, pa tola familia.