Dientro'l ciclu Autores nel Camín d'Asturies Cultura en Rede, vais poder esfrutar de la poesía de Xosé Ánxelu Gutiérrez Morán a traviés del so poemariu 'Les hores de lluz', col qu'algamó'l Premiu Xuan María Acebal na edición de 2023.
Xosé Anxelu Gutiérrez Morán (Avilés, 1969) ye profesor d’Investigación nel Centru Oceanográficu de Xixón (IEO, CSIC) y profesor axuntu de Ciencies Marines na universidá KAUST d’Arabia Saudina.
Autor de 140 artículos d’investigación y capítulos de llibru nel so ámbitu académicu, n’asturianu tien publicaos los poemarios 'Países', 'Diversa memoria', 'Un ciertu desorde' y 'Les hores de lluz', gallardonaos respectivamente colos premios «Teodoro Cuesta» (2004 y 2008) y «Xuan María Acebal» (2011 y 2023), y el llibru de cuentos 'Contando colos deos', Premiu «María Josefa Canellada» de Lliteratura Infantil y Xuvenil 2023.